Weromblik
Freed 6 septimber wie de earste repetysje nei it simmerskoft hân. Nei in simmer fan omtoarkjen en lanterfanterjen ha we it ynstrumint wer tefoarskyn helle en wurdt der eltse freed wer fanatyk repertearre.
Sneon 28 septimber hat it korps in optreden yn ‘de Wjukken’ te Mantgum fersoarge, mei harren seizoensiepening. Troch it rûzige waar is it in binnen optreden wurden.
Yn oktober ha we in serenade brocht bij it 85e jierdeifeest fan in stiper. Ûnder it ljocht fan de lampepeal en smûk neist elkoar ha we har ta spyle. En der wie noch in jierdeifeest yn oktober: fanfarekorps ‘Ons ideaal’ fierde har 115 jierrige bestean. Hjir kin we elkoar mei lokwinskje, want troch de korpsleden en harren stipers koe dit behelle wurden!
De âld izer aksje ha we ek dit jier yn oktober wer organisearre. Dizze aksje brocht sa’n 320 euro op foar it korps. We wol jim tige tank sizze foar it ynbringen fan jim âld izer.
En dan fansels de keltyske jûn mei de iers/skotse folkband Gaeld’r die we organisearre ha. In pracht optreden! As korps ha we der fan genoaten om foar in goed folle seal de muzykstikken hearre te litten. Ek de gearwurking mei Gaeld’r rûn hartstikke moai. De wille spatte dêrôf!
Kommende optredens
Freed 14 febrewaris Valentijn serenades (ynformaasje hjiroer folget noch)
Snein 30 maart Optreden bij it 75-jierrich jubileum fan de Fûgelwacht Easterwierrum
Sneon 24 maaie OMF muziekfestival Schiermonnikoog
Wolst ek mei ús mei spylje?
Hast ea op in blaasynstrumint spyle en wolst it muzyk meitsjen wer oppakke? As liket it dy leuk om dit te learen? Der is altiid romte foar mear blazers en slachwurkers om mei ús mei te dwaan! Sadat ‘ons ideaal’ misskien ek ‘dyn ideaal’ wurde kin. Hjirfoar kin jim kontakt opnimme mei ien fan de bestjoersleden as kom gesellich in kear lâns at we freed te jûns oan it repertearjen binne yn ‘de Tysker’.
Fersyk oan ús stipers (donateurs)
Graach soene wy jo mailadres ûntfange foar kommunikaasje yn it kommende jier en de jierren dêrnei. Nei in ynventarisaasje bin we der efter kommen dat der fan ús stipers hast gjin mailadressen bij us bekind binne. We bin fan doel om ús stipers 2 kear yn it jier in nijsbrief te stjoeren fan en oer it fanfarekorps. Ek foar oare kommunikaasje (ûnder oare útnoegings foar konserten en aksjes) bin jim dan op’e hichte te hâlden. Graach sjogge wij jo mailadres temjitte. It mailadres kin jo stjoere nei: ons.ideaal@gmail.com